Pokhara: Monday triathlon event te 13th South Asian Games (SAG) competition aga opening din te India khan ekta gold, duita silver aro ekta bronze pai kena tai khan laga medal record suru kurise.
Adarsha M N Sinimol pora men’s individual triathlon event chiti kena India khan karne pohila gold chitai dise aro Bishworjit Srikhom pora bhi 1-2 te khotam hoi kena silver chitise.
Thoudam Sorojini Devi aro Mohan Pragnya duijun pora women’s individual event te chiti kena silver aro bronze paise.
Etu individual triathlon event te continuous 750m swim, 20km bike race aro 5km run teenta legs ase. Etu course pohila khotam howa manu Winner ase.
men’s event te Sinimol pora 01:02.51 secs score kuri kena gold chitise aro Bishworjit pora 01:02:59 logot second te dhakise. Nepal laga Basanta Tharu pora 01:03:06 logot bronze chitise.
Women’s individual event te, Sorojini pora 01:14:00 time te khotam hoi kena second paise tai laga ake te Nepal laga Sony Gurung pora 01:13:45 time te khotam hoi kena gold paise. Aro alak Indian te, Pragnya pora 01:14:57 time te khotam hoi kena bronze paise.
Add Comment