Mumbai: 2019 ICC Cricket World Cup –England aro Wales-based laga showpiece –toh May 30 te suru kuribo, aro July 14 tok jabole ase. Hoile bhi etu sal, cricket governing body pora tournament laga format toh botli kuribole faisla kurise – tade ten teams khan alak nine teams khan logot te khilibo, aro jarta teams top te ahiya khan semi-finals te jbo.
Enika hoile bhi, aji ami khan phal team khan te sai ase. Moi khan phal kiliya khan ke bhi sabo.
Jowa Biss sal ake te, Bangladesh khan ke international cricket te hodai minnow team madi dhakise. Hoile bhi, tai khan pora tai khan laga game ke alak tangor team khan logot te harai dibole ektam mon te loi kena ahise.
Bangladesh khan pora 2017 ICC Champions Trophy te bhi mon khushi pai dise, etu te tai khan semi-final tok jaise. Jowa ICC event te–2017 ICC champions Trophy – tai khan knockout round te qualify kurise aro etu laga biche te world-wide cricket fans logot te 2018 Asia Cup laga final te jai kena asurat kuri dise.
Bangladesh khan 2018 Asia Cup te phal khilise aro etu bhi Shakib Al Hasan aro Tamim Iqbal tweijun nadhaki kena. Tai khan pora trophy olap pora lowa nai hoile bhi hotai nishena tai khan pora final te India logot te khiliya somoy te tai khan laga khusha rukhabole pariya nai.
Bangladesh laga World Cup khahani toh moi khan boast kuribole laga nahoi. Hoile bhi dekhabole kamiyab idhakiya laga ase.
Add Comment