Madrid: Roger Federer teen sal biche te wapas ahi kena, Madrid Open 6-2, 6-3 te Richard Gasquet ke Tuesday te harai dise.
20-time Grand Slam champion ke Gasquet logot te second round te harai dibole 52 minutes ekla lagi dhaksie, hoile bhi confess kurise ki tai laga team logot te din laga match te tai laga emotions toh control kuribole lagise.
“Moi bura din ektam dhanta dhakise, hoile bhi twei ghonta ake te, moi ektam chutu lagise. Hoile bhi somoy toh etu hi dhakise,” Federer pora koise.
“Moi laga khusa toh joldi jai jaise, Moi ektam khushi ase moi phal pora suru kurise.
“Moi wapas ahibole khushi pai ase,” Teen sal ake te clay te khiliya Teen bar Madrid champion pora koise, etu somoy te tai Dominic Thiem ke Rome te third round te 12 May 2016 te harise.
2017, Wimbledon te chiti kena Federer pora tai laga grass court form te mon dibole karne tai laga clay ke bura tweita seasons bar kuri dise.
Tai pora Madrid laga title 2006, 2009, aro 2012 te chitise.
“Moi etu clay ke ektam yad kurise, etu toh ektam tangor wapas ase, etu toh moi karne ektam tangor rati ase,” tai pora koise.
Federer pora 23 minutes te ektam phal suruwat kurise aro Frenchman Gasquet ke harai dise.
Federer pora Gasquet logot te 21 meetings te 18 chitise.
“Moi pora bishi phal training loise, hoile bhi etu toh match nishena nahoi. Yade laga points toh bishi joldi ase aro pohila match toh tricky hobi hi,” Federer pora koise.
Add Comment