India, December 8, Australia bara first bowling kurishey aro India bara 240 runs hi banawo parishey 50 overs tey. Australia bara etu target 43 overs tey khetai dishey. Opener Travis head bara Shandar innings khilikina 120 runs banaishey, 137 balls tey.
Etu final toh Narendra Modi Stadium bara host kurishey, November 19 Ahmedabad tey. Etu pitch toh ICC bara “average” rating dishey. ICC match referee aro former Zimbabwe batter Andy Pycroft bara toh etu pitch toh “very good” rating dishey. Australia bara etu pitch tey India ke final tey harai dishey 6 wickets bara.
Australia bara bowling first luishey aro India laga score khali 240 runs thakishey 50 overs tey. Australia bara etu target toh asani bara khetai dishey aro 43rd over tey game Khotom kuri dishey.
Australian star batsman Travis Head bara 137 balls tey 120 runs banaishey aro Australia ke World Cup Jeet dilai dishey.
India laga league matches South Africa, England, Pakistan aro Australia laga khilaf thakishey. Kolkata, Lucknow, Ahmedabad aro Chennai bara etu matches host kurishey. Etu matches khilia laga pitch toh ICC bara “average” rating dishey.
ICC bara Eden gardens pitch Kolkata jintu semi final Australia vs South Africa host kurishey, etu pitch bi “average” rating dishey. Wankhede Stadium jintu tey India vs New Zealand khilishey, etu pitch toh ICC bara “good” rating dishey.
Add Comment