France, December 8, 2023 “Nervous” Naomi Osaka bara next year laga return target toh Paris Olympics aro Grand slams jutiwoley asey enika janai dishey.
26 saal Naomi Osaka former world Number one toh Competition tey Wapas ahiwo Brisbane International tey, etu muina laga end tey. Naomi toh last year September 2022 bara competition tey participate kuranai. Four times grand slam champion toh birth leave tey thakishey aro tai mental health aro pressure para dukh Pai thakishey tennis karney.
Naomi bara Japanese broadcaster NHL ke etu kuishey “Nervous huilewi Khushi asey aro excited asey” tai laga tennis return tey.
Tai bara aro kuishey “ Mui etu game toh bhal bara understand kuriwo mon asey”
“Mui aro grand slams bishi jutiwo mon asey aro French open aro Wimbledon tey focus kuriw. Paris Olympics bi Mui khiliwo.”
Naomi Osaka toh Tokyo games tey Japan karney khilishey jintu tournament tey spectators thakanai, covid laga Karan. Osaka straight sets marishey third round tey Marketa Vondrousova laga khilaf.
Naomi Osaka toh 4 major titles juti kina asey, tai laga Jeet toh 2019 aro 2021 Australian open, aro US Open 2018 aro 2020 bi Jutishey.
Add Comment