ICC ODI Rankings: Australia Logote Series Harikena Bi Virat Kohli, Rohit Sharma, Jasprit Bumrah Toh Opor Spots Te Ase

ICC Men’s ODI Player Rankings te India skipper Virat Kohli aro tai laga deputy Rohit Sharma toh number one aro two batsmen ase, India laga home series te Australia logote khilaf harikena bi. Kohli aro Rohit pora olop aagete khotom howa five-match ODI series te 310 aro 202 runs bonaishe, tate India toh 2-0 pora lead lowa bicchete 3-2 pora harise. Bowlers laga rankings te, Jasprit Bumrah toh No 1 ODI bowler ase, tate tai logote besi osor te New Zealand pacer Trent Boult aro Afghanistan spinner Rashid Khan ase.

Kedar Jadhav toh 11 kadam othikena career-best 24th punchise, etu toh Australia logote khilaf tai besi bhal pora bat jula bicchete ase. Jadhav pora Hyderabad te 81runs bonaikena India ke pohoila ODI jitibole modot korise.

Etu samoy te, South African opener Quinton de Kock toh batsmen majote fourth position loise.

Sobse notun rankings, Sunday te ola te, New Zealand pora Bangladesh ke 2-0 pora hara bi ase aro West Indies aro England, aro Afghanistan aro Ireland khan majote kheliya seres bi milaikena ase.

Etu series te naam koma jaar jun manu besi besi othise. West Indies laga opener Chris Gayle pora 424 runs, tate tweita centuries milaikena, bona nimite  tai ke 35 kadam othaikena 41st position punchaise, New Zealand batsman Martin Guptill laga 264 runs pora tai ke 19^th pora ninth te ponchaise, Afghanistan captain Asghar Afghan toh 16 kadam othikena 87^th ponchise, aro Usman Khawaja laga 383 runs pora.Tai ke 83 kadam othaikena career-best 25^th ponchaise.