Rahul Gandhi toh Wayanad seat para contest koribo nesana ase: Kerala Congress unit

Party’s state unit hesab deh, forthcoming Lok Sabha elections deh Congress president Rahul Gandhi toh Kerala’s Wayanad seat para contest koribo. Congress-led UDF convener Benny Behanan para kowah toh, formal announcement toh joldi koribole ase.

Pathanamthitta district deh jowah kali AICC General Secretary Oommen Chandy para reporter khan logode kowah toh, party leaders para demand toh ase, etu toh South Indian Lok Sabha seats para kondu seat deh hoilebi Gandhi toh contest koribo lagi koikena. Tai para aro kowah toh, “ami khan para Gandhi logode toh Wayanad seat para contest koribole koise. Hoilebe Gandhi para etu laga jawab toh etya tak deyanai. Hoilebe tai para jawab toh phal para debo koikena biswaas ase”.

Etu moina agae hapta phali Congress para Gandhi toh Amethi para contest koribo aro Sonia Gandhi toh Rae Bareli para contest koribo kowah thakise.

Kerala deh Congress toh 20 Lok Sabha seats laga ke 16 seats nemide contest koribole ase aro etya tak 14 candidates laga naam toh announce korikena ase. Congress para Wayanad deh contest koribole laga candidate naam toh announce kora nai aro etu toh joldi koribole ase.

State Assembly laga oppostiton leader Ramesh Chennithala para kowah toh, tai para Gandhi logode toh Wayanad para contest koribole koise. Etu toh etu par Kerala jaga deh party’s election campaign suru koribole ahha time deh kowah ase. Tai para kowah toh, etu laga kotha toh senior party leaders aro A K Antony be thaki kena kotha kora ase.

Chennithala para kowah toh, South India aaro North India deh Congress president Rahul Gandi judi contest korise koile national unity aro integration toh gara koribo.

Party leaders hesab deh, judi South India deh Gandhi toh Wayanad para contest korise akoile party para besi phak seat toh jitibole ase.

Pola Congress para T Siddique, Kozhikode DCC president logode Wayanad seat nemide phal kora ase hoilebi tai toh bechi hoise. Siddique para kowah toh, tai be Gandhi toh Wayanad seat para contest korile phal ase.

Etu nesana Tamil Nadu aro Karnataka  deh Congress state units be Gandhi toh koi thaga para contest koribole demand korise.