ICC para T20 champions Cup lobole plan kori ase

Agencies, 21 February: International Cricket Council (ICC) para 2023-31 cycle te T20 Champions Cup lobole plan kori ase.

ESPNcricinfo koise, tournament te top ten teams toh thakibole ase aro tati 48 matches khela toh thakibo. Etu toh jowah sal 50-over World Cup time time te games laga eki number nesana ase.

ICC laga plan hisaab te, 2024 aro 2028 te T20 Champions Cup thakibole ase aro 2025 aro 2029 te ODI Champions Cup thakibole ase. Etu opor te 2026 aro 2030 te T20 World Cups be lowah thakibole ase.

50-over Champions Cup toh Champions Trophy nesana eki manibole paribo. Hoilebe T0 Champions Cup toh World Cup hisaab te manibole paribo.

ICC laga full-member desh ke March 15 direk tak laga samai deshe. Etu toh 2023-2031 cycle te hesha lobole monaja khan bid submit kuribole laga ase.

Etu plan toh BCCI, Cricket Australia aro ECB logode phal para jabo pari. Etu tinta board para poila bilateral cricket nemide broad windows thakibole kushi powah janaideya thakise.

Judi etu events toh ICC laga plan hisaab te loise koile bilateral series lobole laga window toh namija thakibole ase aro nejor laga boards nemide be lose howah thakibo pari.

Apex cricketing council para be maike khan laga game nemide Champions Cup  T20 aro 50-over matches lobole plan kori ase.

ICC para bidding nemide terms bona pithor te host nation para each event nemide ticketing, hospitality, aro revenues control kora thakise. Aro ICC para each event te sob tusara commercial aro broadcast rights toh control kora thakise.