Wellington, 21 February: Friday din New Zealand batsman Ross Taylor para unique record bonaishe. Tai toh sob formats te hundred matches khelikena cricket laga kasha bonaishe.
Right-handed middle-order batsman para etu achievement toh Basin Reserve jaga te India logode kelaaf koriken first Test khela te kamaishe. Taylor toh field te step ahiya bechide Kiwis nemide 100th Test kothom kuribole parishe.
Cricket laga kasha te kondu khelari moda nohoile maike para sob tinta formats te 100 matches khelibole para nai. 35 sal para etu par February 2 direk India logode kelaaf korikena khela time te tai toh tai laga 100th T20I game khelishe. Etu experience batsman para New Zealand nemide 231 ODIs khelishe.
Taylor para 50-over format te 8570 runs bonaishe aro tai game laga shortest format te 1909 runs bonaishe. Game laga sobse lamba format te tai 7174 runs toh average 46.28 te score korise. Tati 19 tons aro 33 fifties melikena ase.
Aji kali New Zealand toh India logode two-match ICC World Test Championship (WTC) kheli ase. Etu agae te tai khan ODI series 3-0 loikena ase. New Zealand para toss jetishe aro India ke first bat kuribole koise first Test te. India para eleven khela te Wriddhiman Saha agae te Rishabh Pant ke Wicket Keeper nemide anishe Pacer Kyle Jamieson toh New Zealand nemide first time Test kheli ase.
India playing XI: Mayank Agarwal, Prithvi Shaw, Cheteshwar Pujara, Virat Kohli (capt), Ajinkya Rahane, Hanuma Vihari, Rishabh Pant, Ravichandran Ashwin, Mohammed Shami, Ishant Sharma, Jasprit Bumrah.
New Zealand playing XI: Tom Latham, Tom Blundell, Kane Williamson (capt), Ross Taylor, Henry Nicholls, BJ Watling, Colin de Grandhomme, Kyle Jamieson, Tim Southee, Ajaz Patel, Trent Boult.
Add Comment