London, 9 July : Double fault laga ekdom beshi hoija thaka shuru te match laga direction decide kuri dise, kintu Iga Swiatek grasscourt te nijor form pai loina Wimbledon quarterfinal te uthi jaise, Denmark laga 23rd seed Clara Tauson ke 6-4, 6-1 te haraikena, Monday din ekta dominating jeet pichete.
Court One te hawa dangor thaka aru thanda hawa ghumai thaka situation Swiatek laga khushi painai, aru itu karone tai first game te duita double fault dina nijor serve to love te hari jaise. Tai olop time majote break wapas loi luse aro equalize kurise, kintu tai laga serve dangor problem te thakise, next game te duita double fault diboley serve harai jaise.
Kintu etiya pora Polish number eight seed Swiatek ekdom mistake nakurina khelise, aru 65 minute majote match khotom kuridise ekta one-sided dominating fashion te.
Swiatek Tauson pora dangor ace serve expect kurithakise, Tauson Wimbledon women’s tournament te sob pora beshi aces serve kurithakise. Total 27 aces rakhise, mane average 9 ace ek-ek match te, aru itu run majote 2022 Wimbledon champion Elena Rybakina ke bhi haraise.
Swiatek etiya semifinals te jagah pabo karone Russia laga Liudmila Samsonova logot next match khelibo.
Add Comment