Burgas, 9 July : India laga Sohail Khan etia Kudo World Cup 2025 te itihaas banai dise, jitu tai Men’s -250 P category te silver medal jitise aru desh laga senior men’s division te world-level te sabse bhal performance bhi banai dise. Itu prestigious tournament Burgas, Bulgaria te hoise aru world bhar laga top Kudo athletes khan participate korise.
Sohail, juntu Sagar, Madhya Pradesh para ase aru “Golden Boy of MP” buli bhi jana jai, tai dangor performance dikhai podium te jagah paise.
Sohail laga campaign shuru hoise Round of 16 te Pakistan laga Abdulla laga khilaf, kintu tai weight requirement meet nohoi karone Sohail walkover paise aru agor round te pahunji jaise. Quarterfinal te Sohail Bulgaria laga Rusev Radoslav logot tight match kori 1-0 margin te jeet paise.
Semifinal te Sohail laga sabse dominating performance thakise, juntu te tai Lithuania laga Andzej Voinius ke ekdom clear 4-0 te harai dise. Itu jeet logot, Sohail final te reach korise aru India karone silver medal confirm hoise, juntu etiya tak itu category te India karone first time hoise.
Gold medal match te, Sohail France laga Quentin Miramont logot fight korise. Itu contest ekdom intense aru barabar thakise, dui round te bhi kunu fighter definite point score kuribo parianai.
Add Comment