Kyrgyzstan, 9 July : India laga male freestyle wrestlers khan ekdom dangor success paise, karon tai Asian Under-15 Championships, Bishkek (Kyrgyzstan) te total chhita gold medal, ekta silver aru ekta bronze medal jitise, aru team ranking te top position loise.
India laga female wrestlers khan bhi bhal performance dikhai, total tinta gold, pachta silver aru ekta bronze medal loi Japan laga pichete dusra jagah te finish korise. Japan laga female wrestlers khan chhita gold, duita silver aru ekta bronze medal jitise. India aru Japan laga wrestlers logot jitu 10 final match hoise, taikan te 7 final te dui desh laga wrestlers samna korise, aru taikan te India duita jitise aru Japan pachta jitise.
Greco Roman category te India ekta silver aru ekta bronze medal loi pancwa position te finish korise.
Add Comment