Guwahati, February 23: Indian Railways nemide kushi khobor kelay koile etu par IRCTC laga Tatkal ticket booking system te bypass nemide illegal software jola agents ke crack down korise.
RPF officials koise, crackdown logode Tatkal tickets confirm hobole laga chances etiya para othibo pari.
Tusara report te RPF officials koise, illegal software systems ‘Jaguar’, ‘MAC’, aro ‘ANMS’ toh IRCTC te log in nemide bypass, booking captcha aro tickets olabole nemide bank OTP kuribole pari.
Reports te koise, genuine user toh booking process nemide 2.55 minutes nesana lakae hoilebe etu illegal software systems jola khan nemide process te khali 1.48 minutes nesana lakae.
RPF koise, etu software systems te crackdown lowah para etiya Tatkal tickets te confirm kuribole laga samai toh komti hobo aro ticket powah toh othibo.
Railway passengers para Executive class aro First AC class te charikena Tatkal tickets toh sob train classes te book kuribole paribo.
Passengers para AC class nemide e-Tickets toh suru din 10:00 AM para book kuribole paribo. Tati 2A, 3A, CC, EC, 3E coaches melikena ase.
Tusara side te Tatkala tickets toh Non-AC class nemide 11:00 AM para book kuribole paribo aro tati SL, FC, 2S coaches melikena ase.
Tatkal tickets booking nemide ek jun toh ‘plan my travel’ page aro tusara tusara details deya te Tatkala checkbox junibo lakae.
Konbah selected trains te Tatkal quota toh nathakibo pari.
Railway passengers para agae process nakora agae te ticket thaka opor te saijabo lakae.
Tatkala tickets booking nemide eku allowance nai aro judi passenger para Tatkal tickets confirm kora bechide cancels nemide refund system toh nai.
Illegal agents ke kelaaf korikena drive toh February 11-12, 2020 te loise.
Drive time te total 219 agents ke thurishe.
RPF para be blacklisting nemide 317 agent ids janishe.
RPF para be Rs 37.86 lakh daam alga future tickets bondh korise aro Rs 1.19 crore daam laga tickets jola paise.
Add Comment