IMD Para Orange Alert Issue Kurishey, North East State Khan Nimitey

May 05, 2024 : Indian Meteorological Department (IMD) para toh hoiley, ekta orange alert issue kurishey, charta North Eastern state khan nimiety – Nagaland, Manipur, Mizoram aru Tripura tey, heavy para pani giriboley thaka laga predict kuri kena, itu state khan tey, aha 24 hours tey. IMD para janaishey, isolated heavy rainfall toh giriboley nishina asey, Arunachal Pradesh, Assam, Meghalaya, Nagaland, Manipur, Mizoram aru Tripura tey, May 5^th -7^th tey aru bishi heavy pani giriboley nishina asey, Meghalaya tey May 6th tey, koishey. Aru bhi, IMD para tai khan laga bulletin tey koishey ki, komti para moderate pani bhi giriboley nishina asey koishey itu logotey isolated thunderstorm aru lightning aru gusty wind khan hoboley nishina asey koishey (40 – 50 kmph)- Arunachal Pradesh, Assam Meghalaya, Nagaland, Manipur, Sikkim aru Tripura itu aha paach din tey. IMD laga report hisap tey, ekta cyclonic circulate kuri asey, Sub-Himalayan West Bengal.