Jui Jula Laga Ghatna Hoishey, Church Laga Suspected Arson Tey; Ekjon Ke Dhurishey

May 05, 2024: Itu duita jui jula laga ghanta hoa pichetey, Kinunger village tey, Mokokchung district under tey, Friday din tey, kuntu hoa para duita ghor juli jaishey, ekta granary aru duita two wheeler khan aru jui julaboley attempt kuria laga ekta church tey, Kinunger village tey, itu same din tey, Mokokchung Police para ekjon ke arrest kurishey, Saturday tey. Itu first ghanta toh hoiley May 3, 2024 laga fujur fujur tey hoa laga asey koishey, kotey duita ghor, ekta granary aru teenta scooter khan ke pura puri julai di kena thakishey jui jula para. Kinunger Village Council laga chairman – Imlikenba para inform kurishey ki, itu first jui jula toh hoiley 1:30 am phaney thakishey, itu Yimpang area tey. Bosti manu khan para itu jui jula ke bhujaboley kusish kuri thaka homoi tey, aru bhi ekta jaga olop durr phaney jui julishey koishey, kuntu hoa para duita ghor bhi pura puri julai kena khotom hoishey aru ekta granary milai kena, tai para koishey. Hoilebi kismat bhal asey, tatey toh hoiley manu khan jokhom pawa aru muria laga eku report toh hoanai. Imlikenba para tai laga gratitude express kurisey, itu volunteer khan ke, osor laga bosti manu khan ke, Aliba aru Chungtia laga, aru itu fire personnel khan ke bhi, tai khan phat para itu ghatna hoa jani kena. Church tey jui laga tey: Imlikenba para itu bhi janaishey ki, itu bosti manu khan para juli kena biya hoa saman khan sapha kuri thaka homoi tey, 9:40 am fujur tey, aru bhi ekta jui lagishey, itu Church laga bhitor tey para, Friday fujur tey. Eneka thakilebi phat para bhujaboley karney kaam kuria para itu jui toh rukhaboley parishey aru spread hoboley tey para alag floor khan tey punchiboley tey para aru tatey laga chair khan toh juli jaishey, tai para koishey. Tai para koishey, ki, teenta plastic bottle khan kuntu tey petrol khan thaka laga paishey, itu church laga bhitor tey, ekta pura juli kena thaka laga paishey. Eneka thakilebi, itu church ke toh bachaboley parishey, aru bhi bishi juliboley tey para, aru eneka homoi tey, aru bhi duita bottle khan thaka laga paishey, duita vacant ghor khan tey, itu village laga premises tey.