Eindhoven, 11 July : India A men’s hockey team Europe tour laga dusra match te bhi dangor performance dikhai, Ireland ke 6-0 te harai dishe.
Match te Uttam Singh phir ekbar scoring shuru kuri dise India A team karone, aru tai pichhe captain Sanjay ekta goal dishe. Midfielder Mohammed Raheel Mouseen dui ta back-to-back goal score kuri etu lead aru dangor banai dishe. Tar pichhe Amandeep Lakra aru Varun Kumar bhi ekta ekta goal mari India A team laga dusra jeet confirm kuri dise, Ireland ke pura 6-0 te blank kurise.
Tuesday din India Europe tour laga shuruat Ireland logot match kuri thaka time te already strong 6-1 jeet loi jaise, juntu Hockey Club Oranje-Rood te khela hoise. Etu match te bhi Uttam Singh scoring suru kuri thaka, aru Amandeep Lakra tai laga lead extend kuri dishe. Aditya Lalage dui ta back-to-back goal score kuri impressive brace dishe.
Forward player Selvam Karthi aru Boby Singh Dhami bhi ekta ekta goal mari scoreboard te naam uthai jaishey. Ireland laga team sirf ekta consolation goal maribo parise, karone India laga defense tight thaka dekhaise.
Agey te India tou 2 haafta te France, England, Belgium aru hosts Netherlands khilaf bhi match khelibo.
Add Comment