New Delhi, 11 July : Indian men football team 9 saal te sob se lowest FIFA ranking te giri jaise, latest update hisab te team 6 rank niche giri jaise aru itia 133rd te ase. June mahina te back-to-back har karne etu hois jaishey – June 4 te Thailand logot ekta friendly match te 0-2 hari jaise, aru itu pichete Asian Cup qualifier te lower-ranked Hong Kong logot 0-1 hari jaise.
Etu result karne head coach Manolo Marquez bhi All India Football Federation (AIFF) logot alag hoi jaise. India last time December 2016 te etu level te thakise, kitia 135th rank te thakise. Team laga all-time best ranking hoise February 1996 te – 94th position. Itia India laga rating point hoise 1113.22, juntu agey te 1132.03 thakise. Asia laga 46 team te India 24th position te ase, juntu te Japan top ase – world ranking te 17th.
Indian men team karone etu time bisi tough jaise, specially Hong Kong logot laga latest har tai laga 2027 Asian Cup qualify koribo laga asha bhi bisi damage kori dise. Asian Football Confederation (AFC) laga 47 member association te India itia 24th position te ase. Coach Manolo Marquez laga leadership te team last 8 match te khali ekta match – Maldives logot March mahina te – jiti paise. 2025 te abhi tak India 4 match kheli se – ekta jeet, ekta draw aru duita har.
Add Comment