August 15, 2020. Indian laga COVID-19 vaccine trials tuh Bhutan toh interest ase koikena portal Indian envoy to Bhutan Ruchira Kamboj para koishe. Kuenselonline- Bhutan based news portal logot kotha kura samay koishe ke, “indai para COVID-19 vaccine trials kura tuh Bhutan be shamil kuriboli interest ase laga kotha tuh Government of India para khobor tuh honishe,”Tai para aro koishe ke, “private companies para vaccine bona kotom howah beche protocols thakina trials lobo’. Joti khobor tuh besas kuriboli ase koile tuh, tinta(3) vaccines india para bonai ase— Oxford-Serum institute para phase 3 trials jaiase, Bharat Biotech-ICMR para vaccine phase1, 2 jaiase ase aro Zydus Cadila para phase 2 kuriase koishe. Kamboj para aro koishe ke, Royal Government of Bhutan logot melikena Government of India para COVID-19 bemati thaka samay saman khan eku dhuk nakori kena Bhutan logot thiboli koishe. Etu nemite tuita desh pithor te bhal para melikena jabo, aro India tuh Bhutan logot hotai osor te thakibole koishe. August 11 darik te, Bhutan Government para 750,000 neshina manuh khan ke ghor pithor thakibole hokom thishe. Etu oper te schools, office aro commercial establishments be bondh thakishe koishe. Bhutan Government para statement te koishe ke, lockdown tuh pas(5) din para loikena 21 din thakibo, “bemari cases besari- kena positive cases thuriboli aro bemar phile thaka tuh rokaboli ase”, koikena janai thishe.
Add Comment