Russian doctors besi bhapana te ase

Moscow: August 15, 2020. Russian doctors besi wala para Russia laga notun COVID-19 vaccine tuh mauh ke thiboli mon tangor kuriboli napareh, keli koile vaccine tuh besi jolti te olai thishe aro vaccine laga khobor tuh komti ase koishe. Friday din te, survey hesab te 3,000 medical professionals khan para thikaise.Russia para koishe kem Duniyaa te novel coronavirus bemari laga first vaccine tuh etu moina te olaboli ase, aro etu kam pithor te doctors khan ke voluntary hesab te kam kuriase koishe. Vaccoibe laga nam tuh “Sputnik V” koishe, etu nam  tuh Soviet Union para 1957 saal te Duniyaa te first satellite bona oper te nam thishe. Vaccine laga final trials tuh aro kotom howah nai, konuba scientists para koishe ke, Moscow tuh phui lage ase keli koile safety napa agea te tai khan nam beya hoile, koishe. 3,040 doctors aro health specialist khan logot “Doctor’s Handbook” mobile application para survey loishe loikena Friday din te RBC daily para janai thishe. Etu samay 52% manuh khan para etu tawai loboli mana nai, aro 24.5% manuh  para he vaccine tuh lobo manishe. Pasta (5) respondents khan para koishe ke, tai para vaccine tuh bemari manuh, ghor manuh aro sati khan logot loboli kobo. Etu khobor tuh konuba Russians manuh kuan khan vaccibe loboli phui ase tai khan para koishe. Etu samay konuba manuh para government laga kotha manikena monjur hoishe. Russia laga vaccine tuh trials kotom nakora agae para olai loishe aro etu samay thousand manuh para loboli thakishe, etu nam tuh Phase III ase koishe.  Russian laga President Vladimir Putin para koishe ke, vaccine tuh Moscow’s Gamaleya Institute para bonaishe aro tawai tuh safe hoikena tai laga chokuri logot be test kurishe koishe. Health Minister Mikhail Murashko para konuba experts khan para kowah Moscow laga tawai joti te bonaboli paria tuh “groundless” koishe aro safety ase laga kotha tuh mania nai koishe.