India football team aro China khelibole laga kotha

New Delhi, 23 September: India football team head coach Stephen Constantine toh ahha-moina China logode international friendly khelibole laga de ektum phal bhabuna kori ase. Tai pora kowah toh, etu match khela pora ahha sal Asian Cup nemide daiyar thakibole motob pabo koise. India khan China logode International friendly match toh 13 October de thakibole ase. Etu toh Suzhou City, Jiangsu province laga Suzhou Olympic Sports Centre Stadium de thakibole ase.lConstantine pora kowah toh, China khan gara team ase aro etu pora tai khan ke gara test hobole ase koise. Dekthari pai kena khela toh ektum kum laga ase aro China logode khelibole plan kora toh he lagi thaga ase koise.  Etu toh first time hobo Indian senior national team khan China de jabole plan kora toh. Tuita desh majode 17 par kheli kena ase. Aro etu toh sob India de he khelise.  India khan etu par laga match de jetise koile phal ase. Kelay koile jai-ja 17 matches de China pora 12 match match jeti kena thaga karni.  All India Football Federation (AIFF) General Secretary Kushal Das pora kowah toh, China logode football de phal relation thalibole aim kori ase koise. September FIFA Rankings de India 97 rank de ase aro China toh 76^th rank de ase.