Mumbai jetise Railways logode

Bengaluru, 23 September: Sunday din Vijay Hazare Trophy laga khel de Mumbai jetise Railways logode 173 runs pora. Tai khan etu par-jeta meli kena tin par wala hoise. Mumbai nemide Shreyas Iyer aro Prithvi Shaw pora kathara hundreds mari kena fify overs laga de 400 runs bonaideya thakise.  Bat de first juna bechide Mumbai toh leading de thakise. Iyer (118 balls de 144 runs) aro Shaw (81 balls de 129 runs)  pora Railways khelari khan logode ektum dekthari deya thakise. Railways khan logode 42.4 overs de 227 run pora sob out kora bechide Shams Mulani toh 3-26 de korai ahha thakise. Etu par Mumbai khan 400 runs record bona toh second he ase. Kelay koile etu agae 2010 sal time de Madhya Pradesh’s pora Railways logode khela time de 412/6 bonai kena thaga karni. Mumbai captain Ajinkya Rahane (3) joldi out howah becide M Chinnaswamy Stadium de ektum phal khela toh Iyer aro Shaw thakise. Iyer pora eight fours aro ten sixes mara thakise. Aro Shaw pora 14 fours aro ekta six mara thakise. Second wicket karni biswas be na-thaki kena 161-run loi-kena thaga pora ektum besi runs lobule para thakise. 18-sal Shaw toh first match de hundred bonabole na-para thakise. Hoilebe tai etum par Mumbai karni ektum phal pora century bonaidese. Shaw karni hundred bonabo karni khali 61 balls he laga thakise. Shaw out howah bechide Iyer toh khel de agae loijai thakise. Etu bechide tai (Iyer) logode Harsh Tyagi pora catch out kora thakise. Mumbai karni 400-run mark pongjaidebole para toh Surya Kumar Yadav (67) aro Siddesh Lad (30 not out) laga motob pora thakise. Railways khan nemide etu par laga match toh ektum beya thakise. Tai khan enaga situation toh ketya be howah thaga nai. Tai khan 227 run pora sob out nahowah agae de, par-par wicket lost howah thakise.