Agencies, 24 September: Monday de Wrestling Federation of India pora World Championship nemide Grappler Ritu Phogat toh tai laga cousin Vinesh Phogat laga jaga de kushibole ase koise. Tai 50kg category de hesha lobule ase koise. Vinesh toh medal nemide juna khelari ase. Tai Friday din practice time de elbow jokhom powah thakise. Etu pora tai khel de olabole na-paribo. WFI pora Ritu’s logode 53kg de naam koridese. Etu agae de Pinki toh re-trial nemide nama thakise. Hoilebe situation change howah karni WFI logode eku opai nai aro Ritu logode tai laga original wight category, 50kg de annibo lagibo. Etu mani Pinki toh 53kg de hesha thakibole ase aro tai United World Wrestling (UWW) de miss na-koribo. WFI assistant secretary Vinod Tomar pora PTI logode kowah toh, tai khan Ritu logode 50kg de thakibole hothise koise aro tai khan Pinki logode 53kg de anise koise. Jowah sal Ritu pora U-23 World Championship de silver jetise. Asian Games trails de Ritu aro tai laga bhuni Sangeeta toh hesha lobule para nai. Etu toh Turkey pora flight deri (delay) howah karni ase. Budapest, Hungary de World Championship toh October 20 pora suru hoi kena 28 de kothom hobole ase.
Add Comment