Agencies, 21 October: Saturday din Asian Champions Trophy hockey tournament deh India pora Pakistan logode 3-1 pora jetise. Etu agae time deh India pora Pakistan logode 4-0 pora jeta tolh Champions Trophy laga final edition time deh thakise. Hoilebe khel time deh India logode ashrut kori kena goal thaga toh Pakistan thakise. Pakistan laga Muhammad Irfan Junior’s pora gold thala karni Pakistan toh suru match time deh lead lowah thakise. Hoilebe India khan goal thala suru howah toh second quarter time deh thakise. India nemide captain Manpreet Singh (24th minute) pora goal thala karni tuita team be 1-1 draw deh thakise. India khan lead lowah toh 33rd minute time deh Mandeep Singh pora goal thala pora ase. Etu bechide Dilpreet Singh pora 42nd minute time deh goal thala karni India toh 3-1 pora agae deh thakise. Etu goal thala bechide tuita team laga khelari kon pora be goal thalibole na-pari kena India pora jeti lowah ase. Etu par Pakistan logode jeta meli kena India toh tui-par wala hoise jeta. Etu agae tournament suru howah time deh India pora host Oman logode 11-0 pora jeta thakise. Friday din Pakistan toh South Korea logode 3-1 pora suru match jeta thakise. India toh next Japan logode Monday deh khelibole ase aro Pakistan be Oman logode khelibole ase Monday deh.
April 26, 2026
World's First and Only Nagamese Newspaper
Add Comment