La Liga 2018

Agencies, 21 October: Sunday din Camp Nou jaga deh Barcelona aro Sevilla toh La Liga match khela thakise. Etu time deh Barcelona 4-2 score pora jeti loise. Barcelona nemide Phillippe Coutinho (2), Lionel Messi (12), Luis Saures (63) aro Ivan Rakitic (88) pora thala thakise. Aro Sevilla nemide Luis Muriel (90+1) ekala pora goal thala ase. Hoilebe Barcelona laga khelari Clement Lenglet pora 79 minute time deh galdi pora nejor laga goal box deh goal thala karni Sevilla 2-4 score howah ase. Barcelona toh next Inter Milan logode khelibole ase aro Sevilla toh Akhisar logode khelibole ase. Sunday din tusara match deh Getafe CF jetise  Royo Vallecano logode 2-1 score pora. Getafe CF nemide Dimitri Foulquier (63) aro Sergio Akieme 67 (OG) pora thala thakise. Royo Vallecano laga khelari Oscar Trejo be (90+3) time deh red card powah thakise.