Agencies:India laga GS Lakshmi toh International Cricket Council para appoint kura sob para poila maiki hoishe. Etu appointment para GS Lakshmi toh India te etihas (history) banaishe. GS Lakshmi toh ICC International Panel of Match Referees hesab te appoint kurishe.
Etu appointment para sob para poila maiki umpire hesab te appoint kura Claire Polosak osor te ahishe. Claire Polosak toh mota khan laga ODI te khara kura sob para poila maiki umpire ase. Lakshmi toh immediate affect para international games khan te referee kuribole adhikar paishe.
Etu sob majote Australia laga Eloise Sheridan toh ICC Development Panel of Umpires te compatriot Polosak ke samil kurishe. Panel te etiya aatha maiki hoishe.
Panel te thaka dusra maiki officials khan toh Lauren Agenbag, Kim Cotton, Shivani Mishra, Sue Redfern, Mary Waldron aro Jacqueline Williams ase. ICC Development Panel of Umpires laga sob para poila maiki toh Kathy Cross ase aro tai toh jua saal te retire kurishe.
Adrian Griffith, ICC Senior Manager – Umpires and Referees koishe ami khan Lakshmi aro Eloise ke ami khan laga panels te join kura nimite welcome kuri ase. Dusra maiki officials khan ke encourage kuribole nimite etu sob para zaruri kadam ase.
Add Comment