Tottenham aro Liverpool majote thaka UCL final te Skomina para referee kuribole ase

Agencies: UEFA confirm kurishe ke Damir Skomina ke Tottenham aro Liverpool majote thaka Champions League final ke referee kuribole appoint kurishe. 

Slovenian official Skomina toh 2002 saal para international referee laga kaam toh kuri ahi ase. Hoile bhi June 1 te Madrid te sob para poila samay nimite Champions League final laga referee kuribole ase.

Etu matlab toh tai toh UEFA club competition laga sob set te referee kurilubole ase. 2017 saal te Europa League final te referee kurishe aro 2012 saal te UEFA Super Cup te referee kurishe.

Etu season te Skomina toh charta Champions League matches opor te charge loishe. Aro etu te jua saal December te group-stage decider Liverpool aro Napoli majote thaka match laga charge bhi tai para loishe.

Skomina toh Manchester United aro Paris Saint Germain khilaf te thaka match te bhi tai incharge thakishe. Etu match te handball huwa nimite Marcus Rashford para goal mari dee kena controversial late penalty duwara Manchester United ke quarter finals te pungcchibole modot kurishe.

Etu hafta agay te UEFA para announce kurishe ke Europa League final te Italy laga Gianluca Rocchi para charge lubole ase. Etu final match toh May 29 te hubole ase. UEFA Europa League final match toh Chelsea aro Arsenal khilaf te Baku te hubole ase.