Rome: Tuesday te club laga statement te koishe ke AS Roma midfielder Daniele De Rossi toh season laga anth te Roma club toh charibole ase. De Dossi toh Roma club te 18 year khelishe.
Roma koishe etu season laga final match toh Parma te khelibole ase. De Rossi toh Roma club te teenager hesab te saal 2000 te join kurishe. De Rossi toh club nimite 615 appearances kurishe aro sob competitions te 63 goals marishe.
Club president James Pallotta koishe ami khan sob De Rossi toh Parma khilaf te Giallorossi shirt laga samay te ami khan sob kandibole ase. hoile bhi ami khan toh tai laga fasla toh respect kuri ase. 36 saal thakile bhi tai Roma para aro agay te khelibole mon ase.
Roma tai khan laga statement te koishe ke De Rossi toh 35 saal thakile bhi Roma chari kena dusra adventure te jabole kosis kuri ase.
Add Comment