India logote khilaf One-day International (ODI) series te Australia squad te Medium-pacer Andrew Tye pora jokhom paikena thakiya Kane Richardson logote podli koribo, Cricket Australia pora Wednesday te khobor korise. Pacer Kane Richardson toh Hyderabad te nets laga bithor te batting koriya laga samoy te jokhom paise, etu toh jowa habta Vizag te pohoila T20 international (T20I) laga aagete ase. Etu 28-saal toh Tuesday te Bengaluru te trained korise aro konoba bowling koriya bicchete, tai practice nets charikena aro training te hisa lowa nai.
Australia team physio David Beakley pora Richardson laga jokhom te koise, “Vizag laga opening T20I aagete Kane pora training laga samoy te baya finey bekhai koikena khobor korise.”
“Gobal biya hoikena tai aro khelibo nimite bhal hobole pariya nai.
“Kane toh rehabilitation koribo karne wapas ghorte jabo, aro moi khan pora ahiya habta khan te tai laga halat kenika ase, etu ke sabo,” Beakley pora koise.
Jokhom powa bicchete, India logote khalif final T20I te Australia logote jarta pacers ase. Premier Australian pacers Mitchell Starc aro Josh Hazlewood toh jokhom powa nimite pohoila pora hi India series pora bahar olai dise.
Tye toh Australia nimite saathta ODIs te khelise. Etu format te tai pora 12 wickets korise aro tate sobse bhal bowling figures toh 5/46 ase.
Five-match ODI series laga pohoila te Australia toh March 2 pora shuru korikena Hyderabad te India logote khelibo.
Add Comment