Delhi, 23 June : Shooting te, India ISSF Junior World Championship te aru charita medals hasil korise, juntu bhitor te teenager Pritam Kendre laga ekta gold medal bhi ase. Etu result pora India medals tally laga top position te aro majboot hoise.
Pritam Kendre 10-metre Air Rifle Men’s Junior event te gold medal jitise, aru championship te India laga panchta gold medal anidise.
25-metre Pistol Women Junior Team event te Anjali Mahendra Bhagwat, Parisha Gupta aru Nithila Ivy Darling Praveen Christopher laga trio bronze medal hasil korise.
Arekta bronze 25-metre Pistol Men Junior Team event pora ahise, kot Abhinav Choudhary, Raj Chandra aru Jatin bhal performance dikhai medal winners majot finish korise.
Etu agey, Anvii Rathod 10-metre Air Rifle Women Junior event te bronze medal jitise.
India laga overall medal tally 12 hoise, juntu bhitor te 5 gold, 1 silver aru 6 bronze medals ase.
