California, 23 June : Star shuttlers Lakshya Sen aru Tanvi Sharma US Open Super Badminton Tournament te India laga challenge lead koribo. Tournament aji California te start hobo.
World No. 14 Lakshya Sen, juntu second seed ase, men’s singles opening round te Belgium laga Julien Carraggi logot khelibo. Former World Championships silver medallist Kidambi Srikanth, fifth seed ase, aru tai first-round match te Chinese Taipei laga Liao Jhuo-Fu logot mukabla koribo.
Unseeded Indian shuttler Saneeth Dayanand campaign Japan laga fourth seed Yudai Okimoto logot start koribo. Eki logot S. Sankar Muthusamy Subramanian round of 32 te ekta qualifier logot khelibo.
Women’s singles te India laga strong contingent ase, kute seven players main draw te ase. Fifth seed Tanvi Sharma aru sixth seed Devika Sihag India laga challenge lead korise. 17 saal laga Tanvi Sharma Germany laga Yvonne Li logot opening match khelibo.
Women’s doubles te Commonwealth Games bronze medallists Treesa Jolly aru Gayatri Gopichand Spain laga Paula Lopez aru Lucia Rodriguez logot opening round te mukabla koribo.
Mixed doubles te seventh seeds Dhruv Rawat aru Maneesha K Indonesia laga Wirawan Ihsan Adam aru Serena Kani logot campaign start koribo.
