Guwahati, April 30 : Badminton World Federation (BWF) para announce kurisey ki India tu aha saal te World Junior Badminton Championship host kuribole asey. Etu event tu Guwahati laga National Centre of Excellence te hobole asey. 2008 te suru huwa picheyte, first time Northeast te BWF World Junior Championship host kuribole asey.
BWF laga hisap te, team aro individual event duita bi India laga Northeast region laga Badminton Association of India’s (BAI) National Centre of Excellence te hobole asey. Etu faisla para badminton laga duniya te India mashoor hoithaka dikhai asey. BWF President Poul-Erik Hoyer para India te ubhari thaka talent laga tarif kurisey.
India para juwa bar etu event tu Pune te host kurisiley. BWF president para BAI laga state-of-art(latest technology para bana) facility te confidence jataisey. Aro etu jaga tu next generation badminton star khan ke taikhan laga skill dikhabole dibole nimitey bhal asey koisey.
Etu 2025 te hobole thaka event laga date tu confirm kuribole baki asey.Etu championship nimitey India aro duniya laga badminton khusi pa manu khan majotey josh already banikina asey.
Add Comment