India, 31 January : Former Indian cricket team spinner Harbhajan Singh para squad upar dey jinta uthaishey kuntu second Test match karney janai dishey England laga khilaf, February 2 dey shuru kurina. KL Rahul aro Ravindra Jadeja toh jokhum karney match laga bahar ulai disheh aro team management para Sarfaraz Khan, Saurabh Kumar aro Washington Sundar ke haliwoley faisla kurishey. Rahul aro Jadeja taijun bhi first Test match dey bhaal form dey thakia dikhi thakishey aro Harbhajan kuishey ki batting line-up dey experience komti thakia toh ekta dangor problem huwo parey five-match series dey 0-1 niche giria piche dey.
Tai laga analysis dey, itu former spinner para dikhaishey ki India toh ekta turning track dey khiliboley expect kuri asey aro kuishey ki kitia itia laga batters dey ahey, Ravichandran Ashwin toh second highest run-scorer asey skipper Rohit Sharma piche dey – experience komti thakia laga ekta clear indication.
“Itu team toh thik hi dikhey, huilewi experience komti asey. Hoi, Rohit Sharma asey, huilewi next best run-scorer toh Ashwin asey. Batting dey ahiley, itu line-up toh kamzor dikhey. Aro taikhan ekta turning track dey khililey, kuntu mui laga phabna dey taikhan khilibo, kiley kuiley taikhan Washington Sundar ke halishey Kuldeep Yadav, Ashwin aro Axar Patel ke thakina bhi,” Harbhajan kuishey YouTube dey.
“Mui bhui khai asey ki India toh England karney ekta turning pitch kurina hariwo. Itu batting unit jawaan asey, taikhan time lagey, aro taikhan ekta bhaal track pailey, taikhan bhaal para perform kuribo parey,” Tai halishey.
India laga squad, 2nd Test match karney England laga khilaf – Rohit Sharma (C), Shubman Gill, Yashasvi Jaiswal, Shreyas Iyer, KS Bharat (WK), Dhruv Jurel (WK), Ravichandran Ashwin, Axar Patel, Kuldeep Yadav, Mohd. Siraj, Mukesh Kumar, Jasprit Bumrah (VC), Avesh Khan, Rajat Patidar, Sarfaraz Khan, Washington Sundar, Sourabh Kumar.
