Agartala, 31 January : Karnataka captain Mayank Agarwal, kun ke Agartala laga ekta private hospital dey admit kurishey Tuesday dey, tai thik nalagi thakia laga complain kuria piche dey, itia khatara laga bahar asey aro Bengaluru dey lui jaw, Karnataka Ranji team manager para Wednesday dey kuishey. Mayank ke Tuesday dey hospital dey admit kurishey tai ulti kuria piche dey. Kitia flight dey thakishey, tai ekta bottle para paani khaishey kuntu dey tai phabishey khaa laga paani thakishey. Karnataka State Cricket Association (KCA) Ranji team manager Ramesh para ANI ke kuishey ki Karnataka skipper laga statement toh police para record kuri asey.
Tripura Cricket Association (TCA) working secretary Basudeb Chakraborty para kuishey ki agey dey flight dey Mayank toh ekta bottle para khaishey kuntu karney tai bimar lagi jaishey.
Delhi laga flight toh ekta medical emergency karoney Agartala dey wapis ahishey.
ESPNcricinfo laga hisab dey, itu Karnataka team manager, Agarwal laga behlaf dey, Tripura police ke itu ghatna investigate kuriboley request kurishey.
K Kiran Kumar, Superintendent of Police (Tripura West) ke ekta written complaint dishey aro New Capital Complex Police Station laga jurisdiction andar dey ekta case register kurishey Agartala dey.
Mayank toh Karnataka karney itu season domestic cricket dey ekta crucial figure asey. Itia chuli thakia Ranji Trophy dey, tai para two hundreds aro ekta half-century strike kurishey.
Karnataka itia Group C dey, four matches dey tuita jeet, ekta draw aro ekta haar logot second asey. Vice-captain Nikin Jose para Mayank laga absence dey captaincy luwo parey.
