January 28, 2024: Xavi Hernandez, taia etu season piche deh Barcelona laka coach nataki jabo, tai tho team keh mati laka bahar ola bole napareh kui nah. Xavi para taila decision tho Saturday din deh announce kuri shae, Barcelona tho Spanish league deh Villarreal laka against 5-3 hara piche deh.
“Mui June 30 para Barca laka coach nata ki jabo kui nah announce kuri bole mun jai ase. Barcelona fan taki kina, mui etu situation aro jabo dibo nalageh, mukan course aro dynamics deh ekta change laki ase.” Xavi para etu decision tho bishi din agae banai shae aro Villarreal alak against hari jah tho taila announcement ban abo scene ekta set kuri lui shae, tai olop taki kina decision lubo leh heh taki shae kui nah. Tai para etu decision tho team suffer kura laka stress aro tension tho komti kuri bo kui nah hope kuri ase kui shae.
“Barcelona laka coach hua laka feeling tho ekdum bia ase, unpleasant ase, apni ki respect deserve kureh, etu pai heh napai. Tui keh mun chutu kure deh, apni laka mental health, emotions niche tak kureh deh, agae b jabo napara tak niche kureh deh. Muike morom kura manu jani ase.” Xavi para kui shae.
