India vs Australia: 2ND test Australia jitese

Australia pora ektum phal khilikena 2^nd test te India ke 146 runs pora haraitise. Optus stadium Perth Australia te khila 2^nd Test te India 136 te all out hoise. Ito match jitekena Australia pora test series 1-1 level koritishe. 4 match khilibole thakise. Day 5 te Australia pora India ke aram she out kori tise. India pora din 115/5 koikena shoro hoise Australia pora 287 runs to win target rakha pijete. Hoilebi middle order batsmen toijon Hanuman Vihari aro Rishab Pant pora India ke agi loijabole paranai areo Hanuman Vihari out hoise. Start kora 40 minutes majote Australia pora India ke out kori khotam koridishe. 2^nd inning te India laga top order batsman khan eko takar Australia logote dibole paranai. 1^st inning te 127 pona Kohli bi khali 17 runs ponaikena out hoijaise. Ito pijete kun bat6sman bhi mon dangor korikena khile nai. India toh away te khila hotai inaki hi ase. Indai batsman majote sobe se pise runs toh Ajinkhya Rahane 30 aro Pant 30 inaka score korise. Australia nimete Natan Lyon pora pse dangor kaam koritise. Tai ke man of te match award tishe. Starc pora $/46 aro Nathan Lyon pora 3?39 koikena India kea ram se khotam kori tise. Ito match jitekena Australia laga captain Tim Paine laga poila wala test match jita thakise. Australia khan March moina te ball tampering laga chamela pijete  paranai. Hoilebi kali India ke parise.   Ito series laga 3^rd test Melbourne te khilibole ase. Aro Kohli aro team India Australia te first test series paripole koshis koribo.