MANCHESTER, ENGLAND: Tuesday din , Premier League club Manchester United pora taikhan laga club Manager Jose Mourinho ke hataitise. “Club pora Jose Mourinho ke pise thanks ti ase, aro future nimete taike all the best di ase” koikena club laga statement hisaab ke inaka koishey. Club laga notun caretaker manager appoint koribole ase. Ito toh season khotam hoa tak karoni ase koishey. Ito time te club pora notun manager recruitment koribole nimete pisari thakibo inaka koishey. Manchester United pora ito sal ektum piya hoikena season start korise. Ita toh taikhan 6th position te ase. Mourinho ke December 16 din Liverpool logote 1-3 haria pijete phat out kori ti ase. Mourinho aro club laga top players majote rista phal thakanai. Pogba aro Captain Valencia logote bhi tai rista phal thakanai. Players khan pora Mourinho laga khila style phal nalakina thakise. Fans khan pora bhi tai laga style toh pise defensive ase koikena koi thakise.
Mourinho pora Manu ke na aha akete FC Porto, Real Madrid, Inter Milan aro Chelsea club khan ke jolai thakise. Louis Van Gaal ke Manu pora 2016 ke hatai tiya pijete Mourinho ke loa ase. Aro tai aha saat saat Paul Pogba ke Juventus pora $ 85 million tikena kinise. Aro Mourinho Manu ke 15 years oporte thakibole mon jaise hoilebi tai khali 24 monts hi thakibole olaise.
Add Comment