Adelaide: Adelaide, Australia jagate India vs Australia laga Test match khilade, India pora 1st Test 31 runs pora jitese. India pora ito test match ektum khatara pora jitise. Ito Test match jitekena India pora Down Under Test series laga 1st test jitato, 10 years majote 1st time ase. Last time tey India pora Australia ke home te 1st test haraidiya toh 2008 Perth te thakise. Ravichandran Ashwin, pora last inning te 3 wickets loigena Australia laga ektum kara fightback rokhaitise. Fast bowlers Jasprit Bumrah aro Mohammed Shami pora bhi 3 wickets each loigena India karoni bishe modot korise. Ishant Sharma pora bhi 1 wicket loise. Australia laga last order khan pora bishe kushis korikena batting korise hoilebi India pora astey astey koikena wickets toh out koridishe. Australia laga Pat Cummins (28), Mitchell Starc (28) and Nathan Lyon (38 not out) pora ektum kara pora batting korikena India te dhuk ti thakise. Hoilebi last te Josh Hazlewood (13) pora Ashwin laga ball te resist koribole napare kena khila time te, KL Rahul pora catch koritise aro Australia 31 runs pora naponji kena match toh India pora jitese.
India laga wicketkeeper Rishabh Pant pora ito match te 11 catches korikena record ponaise. Ito record pora toh England laga Jack Russell aro South Africa laga AB de Villiers laga 11 catches ekta test te kora te equal korise. Aro India laga Wriddhiman Saha laga 10 catches record phankaidishe.
Add Comment