MEGHALAYA, DECEMBER 8 : Meghalaya Chief Minister Conrad K. Sangma pora tai kan state te Sporting Infrastructure toh bhal te ahkete anedebole kuri ase. Etubi ahebole laga National Games 2022, Shillong aro Tura, Co-Host City te khelibole nemite dayar thakibole karne. Tura Football League 2018 laga Closing Ceremony te Chief Minister pora kotha kurikena Draft Sport aro Youth Policy toh sob dayar ase aro etu kotha ke chulti pora Cabinet kan kotha mela kuridekena kam te julibole karne kuridebo koi kena janaise. Aro etu oporte tai kan bi National Games nemite thik te saidebole kuri ase aro etu kan laga kotha kan etu Mega Event suru kuridebole karne toh asulte kotha manaidebole aro janaidebole kuribo koi kena janaise. Tai bi District Football Association Tura (DFA) kan pora etu Trophy toh besi bhal pora ulabole kurikena bhal te manai khotum karne besi khushi baa janaise koise. Aro etu Closing Ceremony te bi Sports Minister Banteidor Lyngdoh pora bhal kotha kan janaide thakise koise.
Etu Tournament toh November 2018 porahi suru kura laga ase. Aro etu Tournament te 3 ta Level hisabte thakise. Etu ke Division B, Division A aro Super Division hisabte thakise. Etu kan majutte Division B Level te Rongkhon Sports Association pora Champion luise. Division A Level te West Balalgre Club pora Champion luise. Aro Super Division Level te toh Boca Juniors FC pora Champion luise koise. Etu Tournament te sabole aha manu kan nai-nai koilebi 5000 oporte ahe kena thakise. Aro etu Tournament te Champion lua kan ke Cash Prize aro Trophies kan toh Co-Chairman Meghalaya Planning Board, Billikid A. Sangma aro tusera Dignitaries aro Officials kan DFA laga kan pora dedese koise.
Add Comment