MEDZIPHEMA, DECEMBER 8 : Saturday din Medziphema Town, Ward-5, Thehouba Gound te Medziphema Town Inter-Ward Volleyball Tournament 2018 laga Final thakise. Etu Final te Ward-9A aro Ward-8 jun khela thakise. Etu ke Ward-9A pora Ward-8 ke haraide kena Champion luise koise. Etu Final khel nakhela ahkete Closing Ceremony thakise. Etu ke Akhoto Kuotsu, President, Medziphema Town Mechu Krotho (MTMK) laga bi ahe kena thakise. Aro tai etu Trophy ke hisha kura kan eman bhal te aro khushi pora khelikena thaka karne besi khushi baikena thakise aro khushi janaise koise. Etu khel laga Final te Champion lua Ward-9A ke Certificates, Trophy aro Rs. 20,000 poisa dedese. Aro etu toh Zaivi Meyase, PS to Deputy Speaker laga pora dedese. Aro Runners-up, Ward-8 ke toh Rs. 10,000 dedese. Etubi Certificates logot eke pora melekena Megohulie Vupru, Founding Member, NDPP pora dedese. Aro etu khel te Best Disciplined Team toh Ward-1B pora luise. Aro etu kan ke Certificates logot melekena Rs. 2000 dedese. Aro Best Player toh Ward-8 laga Nilasato Tehuja pora luise koise.
Add Comment