KOHIMA, DECEMBER 8 : 19th Hornbill Festival 2018 laga naam pora 2nd Edition Go Cart khel, ekta Indigenous Game toh Go Travels Kohima pora ulabole kurikena manaise. Etubi Naga Indigenous Game toh ahkete anede kena sob ke janaidebole karne. Aro etu khel toh PHQ, Junction, 8th December 2018 te thakise. Aro etu khel laga Programme toh Department of Tourism pora Go Travels logot eke pora melekena manaidese koise.
Etu khel te sob melai kena 27 jun Teams kan hisha kurikena thakise. Aro etu Teams te sob melai kena 60 jun hisha kura manu kan thakise. Aro etu Go Cart Race khel te tusera desh laga manu kan kobi Austria desh pora Teresa, Germany desh pora Laura aro Czech Republic desh pora Daniel kan bi hisha kurikena thakise koise.
Etu khel te 1st toh Lhuvi Vakha aro Mhasi Mor pora luise, 2nd toh Neikhrievoto Mejura aro Khriedi Mejura pora luise. Aro 3rd toh Ngopisa Temi aro Sorhovito Rote pora luise. Aro Best Design aro Costume, Go Cart laga toh Yasukha Kath aro Senyamu Kath pora luise koise. Etu Go Cart Race khel toh PHQ Junction pora Old MLA Junction dak thakise. Etu ke cheta kan toh Bicycle luikena jaise aro etu logot Certificates bi dedese. Aro Best Design aro Costume kan ke Cash Prize dedese koise.
Add Comment