Kisama te Cock-Fight Competition thakise

KOHIMA, DECEMBER 8 : Sports laga naam pora ekta Indigenous Game kobi Cock-Fight khela thakise. Aro etu toh Department of Youth Resources aro Sports pora Kisama laga Main Arena te dekhaidese. Etubi 8^th December 2018 te. Etu Cock-Fight toh ekta Traditional Game besi jun Naga Tribe pora khela laga ase. Aro etu khel toh manu laga Agility, Endurance aro Smartness sabole karne ase koise. Etu ke sob melai kena 14 jun manu hisha kurikena thakise. Etubi Garo, Sangtam, Kachari, Zeliang, Puchury, Chakhesang, Angami, Kohyak, Kuki, Ao, Chang, Sumi, Phome aro Khiamniungan chat laga kan. Etu khel khela time te 3 ta Round hisabte thakise. Aro etu 3 ta Round khela bejete 6 jun manu Finales nemite junise. Etubi Final Round nemite. Etu ke Champion (1^st) toh Roteh Konyak, Konyak chat laga pora luise. Seikholet, Kuki chat pora toh 2^nd  luise. Aro Chenglei, Phom chat pora toh 3^rd luise. Aro etu ke 1^st baa pora Rs. 7000 baise, 2^nd pora Rs. 5000 baise aro 3^rd pora toh Rs. 3000 baise koise.