Agencies, 21 February: Thursday din Army Chief General M M Naravane koise, force toh gender equality te kamiyaab hoi ase aro Supreme Court para women officers ke permanent commission debole order deya para agae move nemide besi clarity debo.
Supreme Court para Monday din Army te thaka women officers ke permanent commission aro command postings debole order deya thakise.
Gen Naravane koise, “India army toh kondu sepai ke hoilebi religion, caste, creed nohoile gender te discriminate nakori. Indian Army laga outlook toh etu nesana ase aro etu para ami khan women officers toh early 1993 para suru korise”.
Tai koise, “Indian Army para maike ke rank aro file te lobole suru korise aro 100 women soldiers laga first batch toh Corps of Military Police Centre and School te training loi ase”.
Verdict toh mana laga ase koikena tai koise, “Supreme Court laga fesla toh ekta welcome ase. Indian Army te sob manu maike officers be melikena desh te serve kuribole nemide eki opai debo aro tai khan laga careers te progress nemide be”.
Army chief koise, maike officers ke tai permanent commissioning nemide monchor ase na nai koikena letters toh pothaise.
Jammu and Kashmir laga situation opor te Gen Naravane koise, terror hatsa toh nama dekhise aro Army toh terror groups te pressure maintain kori ase.
Add Comment