New Delhi, 21 February: Friday din Communist Party of India-Marxist (CPI-M) para Shaheen Bagh protest toh Non-Cooperation Movement te compare korikena kushi powah janaishe. CPI-M koise, Non-Cooperation Movement toh Mahatma Gandhi para India te British rule te kelaaf korkena 1920 sal te suru kora laga ase.
Hannan Mollah, senior CPI-M leader koise, “Shaheen Bagh toh protest laga ekta symbol hoise. Ami khan Non-Cooperation movement toh independence nemide dukh kora dekhise aro etiya etu toh shanti protest laga ekta symbol hoise. Etiya besi sal bechide Shaheen Bagh protest toh protest kori thaka laga ekta notun method ase. Etu te laws laga violation nai aro kanoon break nakori”.
Tui moina opor, hundreds protesters, besi phak Delhi’s South-East Shaheen Bagh area jaga laga Muslim maike toh chamela citizenship law te kelaaf korikena protest kori ase.
West Bengal laga eight times Lok Sabha lawmaker, Mollah aro koise, “Pahar desh, London, Paris aro New York te be manu khan toh etu nesana bohoi. Etu toh nejor laga right nemide shanti para fight kora ekta notun method hoise”.
Monday din Supreme Court para senior lawyers Sanjay Hegde, Sadhna Ramachandran aro former chief information commissioner Wajahat Habibullah ke juna thakise. Etu toh protest kori thaka Shaheen Bagh area jaga te jai kena kotha kuribole nemide juna laga ase.
Top court para etu opor te honibo nemide February 24 direk fixed korise.
Jowah hapta Nand Kishore Garg aro Amit Sahni para PIL toh tai khan laga lawyer Shashank Deo Sudhi laga haat para file kora thakise. Etu toh Kalindi Kunj osor laga Shaheen Bagh te protesters hatabo nemide Centre aro tusara para phal directions debo nemide ase.
Koikena ase, Shaheen Bagh jaga Delhi to Noida rasta bondh korikena manu khan CAA te kelaaf korikena illegal protest kori ase.
Friday din Noida-Faridabad road toh aro khulishe. Etu rasta toh Shaheen Bagh te protest kora nemide 69 din para bondh thaka ase.
Add Comment