Agencies, 01 November: External Affairs Minister (EAM) S Jaishankar para China logode India’s ties opor te kotha kori thaka samai koise, “Ties toh 30 sal nemide phal para thakise kelay koile tuita desh para inherited challenges aro notun circumstances te addressed nemide. Border te peace aro tranquility para basis toh tusara area te cooperation dangor koribole nemide dae. Hoilebe pandemic phela nemide relationship toh besi stress te ahishe”.
Jaishankar para be normalcy anibo nemide tuita desh majode agreements te phal para respect koribo lakae koise.
External Affairs Minister para be LAC opor te monchinda korikena koise, status quo potli koribole laga ke kosish te hoilebe namanibo.Ami khan toh cross-border terrorism te fight kori thaka te uncompromising hobo lakae koise.
October 28 te, Jaishankar para 2+2 ministerial meeting toh kaam laga howa janaideya samai, 2+2 dialogue te ekta pol-mil agenda ase koise. Etu para ami khan laga close bilateral relationship te highlight kori ase. Tai para be ami khan laga national security convergences toh besi mult-polar world te dangor hoise koise. Aji 2+2 ministerial meeting te ami khan lok kora toh ami nejor laga interests te advance hobole ekala nahoi kena ami khan laga bilateral cooperation para world areana te positive contribution bonabo nemide ensure koribole laga ase koise.
India, US, Japan aro Australia eki logode Quad nemide aha, Beca sign kora para Quad be gara koribo. Jarta desh eki logode Malabar naval exercises nemide Indian Ocean region te ahibole ase.
Etu agae te, India para tusara defence pact toh US-the Logistics Exchange Memorandum of Agreement (LEMOA) logode sign korise aro etu te Logistics Support Agreement (LSA) para be janae.
Add Comment