November 02 2020: Azara Police para Sunday din te Joint Entrance Examination (JEE) Mains 2020 nimete proxy candidate chula laga case te Bhargav Deka ke thurishe.
Deka para Global Edulite, Guwahati-based coaching centre chula manu ke Guwahati Airport, Borjhar para namaa samay te thurishe.
Reports hisaab te Deka toh Bangkok te polaishe police khan para etu case te chan bin kura samay te.
chief public relations officer (CPRO) Assam Police headquarters te statement dikena koikena janaishe ki “Accused Bhargav Deka of JEE examination case ke thurishe saam te Borjhar airport te.”
Sunday din te Azara police laga team kha para Global Edulite te kaam kura manu Kakali Bujarbarua laga ghor te bi raid marishe.
October 28 te police para komti hoilebi paanchta manu ke thurishe etu te a Guwahati-based specialist doctor ke etu case nimete thurishe.
Azara PS sections 120(b)/419/420/406 IPC r/w 66D IT Act bithor te register kurishe etu bi ekta FIR kura pichede aro koishe ki ekta student Assam topped JEE Mains 2020 proxy chulaishe tai laga exam dibole nimete olaishe.
Etu thura specialist doctor laa naam toh Dr Jyotirmoy Das ase.etu fir toh Mitradev Sharma October 23 te dishe aro etu FIR hisaab te Azara police para chan bin kurishe aro etu scam te thaka paanchjun manu ke thurishe.
Dr Jyotirmoy Das toh Down Town Hospital Guwahati laga ekta gynaecologist ase.Dr Das para etu proxy candidate ke etu examination te buibole janaishe tai laga mota bacha Neel Nakshatra Das laga behalf te.
Neel Nakshatra Das toh assam para JEE Mains 2020 topped kurishe 99.8% score kurikena.JEE Mains 2020 toh September 5 te loishe.
Add Comment