Meghalaya November 22, 2023 : Indo-US laka joint special force laka 14th Edition exercise, “ Vajra Prahar 2023,” laka training shuru hoishae Tuesday dhe Meghalaya lak Umroi Cantonment dhe.
US laka candidates kan dho US special force laka 1st Special Forces Group(SFG) laka personnel para represent kurishae, aru Indian Army laka dho Eastern Command laka special forces kan para lead kuri ase.
Etu 20-day exercise laka ‘Vajra Prahar’ dho ekta collaboration ase Indian Army aru US Army laka special forces kan laka, aru etu exercise laka main motive dho tai kan ekjon ki etu joint mission planning aru operation dhe tai kan laka ideas aru experience kan share kuribole.
Etu exercise training laka 1st training dho 2010 laka sal dhe India dhe loishae aru 13th edition Indo-US laka joint special Forces laka exercise dho Special Forces Training School(STFS), Bakloh dhe loi ase.
Etu course laka aha deen hafta deh tuida side bhi eki lokot plan kurikina rehearse kuribo Special Operation, Counter Terrorist Operations, Air Borne operations ekta conventional aru unconventional scenari deh mountain jaka phani.
Etu joint exercise ‘Vajra Prahar’ dho ekta system hoishae tai kan laka idea aru practice ekjun ki share kuribole etu tuida nation laka special forces majot dhe. Etu exercise training dho ekta platform huishae tai kan laka inner operation ki sharp kuribole aru taikan laka defence operation ki strong kuridibole Indian Armies aru United States America laka majot dhe.
Add Comment