Assam, November 22, 2023 : Ekta 42 sal laka mota ekta para tai laka maiki ki muraideshae Assam laka Chirang district dhe Wednesday din dhe, officials kan para koishae. Police laka esab dhe , Basruddin Ali para tai laka maiki ki muraishae ekta plastic rushi para koto tai laka maiki dho chuka dhe subji kan paka time tai laka biche para ahikina rushi para tai lki muraishae Amguri dhe Chirang laka district dhe.
Mura maiki laka nam dho Habiza Khan taikshae aru tai laka sal dho 35 years ase. Mota aru maiki dho tai kan laka family dhe charda bacha ase. Locals kan laka esab dhe dho koto maiki mota dho tai kan laka family problems kurne chakra kuri takina bishi din hoishae, koto laka reason dho etu takishae aru etu kurne maiki ki muraideshae.
Ali para tai laka maiki laka dead body dho chuka dhe charikina tai ghor para polai jaishae. Tai laka death body dho tai kan laka ghor osr manu kan para paishae aru tai kan para police kan ki etu khobor dho bunchai deshae. Ekta police team koto mural aka ghor dhe ahishae aru body dho autopsy report kurne pataishae. Chirang district para police laka Superintendent, Pranjit Bora para IANS kan ki koishae, “ Moikan para ekta manhunt launch kurikina ase tade koto mota Basruddin Ali ki besaribole. Ali dho arrest hua biche dhe tai ki koto din ki hoishae aru ki kurne tai para maiki ki muraishae etu kan sob hudibo koishae.”
Add Comment