Mizoram November21, 2023 : Mizoram lak NGO Coordination Committee (NGOCC), major civil societies aru students bodies laka ekta umbrella organisation decide kurishae ekta delegation Delhi dhe ekta request pataboli aru ekbar Election Commission ki state laka Assembly election laka counting date dho alak din kuridibole.
November 7 dhe Mizoram laka 40-member Election assembly loishae aru vote laka counting dho December3 Sinday din dhe hubo aaru dusra charda state lokot- Madhya Pradesh, Chhattisgarh, Rajasthan aru Telangana.
NGOCC para decide kurikina Delhi dhe ekta delegation bataishae Election Commission(EC)ki aru ekbar lokot baboli request kurishae pole panel ki request kuribole tai kan laka vote counting date dho change kurikina alak din dhe kuribole koto Sunday dho Christian manu kan kurne bishi holy laka din ase aru state laka manu kan Sunday din dhe church jai.
Mizoram laka Kohhran Hruaitute Committee (MKHC), church laka leader kan laka ekta group ase, tade laka Chairman Rev Dr Chawnghmingthanga para Monday din dhe koishe ki tai kan ECI lokot ekta appointment paboli try kuri ase aru koto tai kan meeting laka date babo tai kan delegation kurne Delhi dhe jabo.
MKHC dho NGO Coordination Committee laka ekta leading body ase.
“Delegation dhe Young Mizo Association(YMA) laka leaders, NGOs, student, non-political organisations, aru political parties laka representatives, Civil society organisations kan sob takibo,” Chawnghmingthanga para IANS ki koishae. Election Commission dho Delhi laka meeting biche dhe tai kan decision dho change nakuribo mkoili dho ekta ‘protets day’ Misoram dhe organise kuribo ,NGOCC para ekta statement dhe koishae.
NGO Coordination Committee laka decision Delhi dhe delegation bataboli dho state laka chief electoral officer(CEO) Madhup Vyas’s laka meeting EC lokot juwa hafta etu issue kotha kura biche dhe hoishae.
EC para CEO ki koishae ki tai kan counting date dho reschedule nakuribo. Election laka schedule announce hua biche dhe sob political parties, church bodies, NGO’s, CSOs aru alak individual kan ki joint kurikina nahuili separately etu poll panel ki counting date reschedule kuriboli request kurishae.
Media reports quoting officials para koishae ki Election Commission kan para 2013 laka counting date postpone kurideshae December 8 para December 9 dhe political parties, civil societies aru state church laka request dhe.
EC officials para koishae ki counting dho polling nishina nahoi counting dhe dusra alak manu kan involve nakure aru tai kan free ase tai kan ki kurebu mun jai December 3 dhe koto Election Commission laka appointed officials, count kuribole manu aru security forces kan hai takibo vote counting time dhe.
Political parties aru social organisations laka bishi request polling laka date change kuribole consider Rajasthan dhe koto tade bishi wedding aru social engagements lan takibole ase, poll panel para aru change kurishae November 23 para November25 dhe.
Mizo National Front laka ekta leader para koishae ki election Commission para taikan laka polling date Rajasthan dhe reschedule kurishae huilibi Mizoram dhe date change kuribole taikan mana kuri ase. 2011 census laka esab dhe dho Mizoram laka 87%(percent) population dho Christian ase koishae.
Add Comment