JAKARTA, INDONESIA : Tuesday te Indonesian volcano phutishe. Etu nimite ekdam bishi ashes aro dhunga (smoke) uthishe. Ashes toh akash te 2,000 metres (6,500 feet) uthishe. Etu nimite etu jaga osor te thaka bosti khan toh ashes para bon kuri dishe.
Sumatra island te thaka Mount Sinabung toh saal 2010 para phutibo nisina kuri thakishe. Aro saal 2016 te volcano toh phutishe.
Disaster agency officials koishe etu phuta toh planes khan bhi affect kuri dibole tagot ase. Hoile bhi planes khan tho etu jaga te na-ahibole laga eku formal notice diya nai.
Local manu khan ke pani te lava ahibole pare koishe. Etu nimite manu khan ke hosiyar kuribole koishe.
Sources koishe ke etu volcano toh phuta nimite manu khan mura nohoile bhi jokom huwa laga eku khobor nai. Aro disaster agency para bhi jaga khali kuribole eku khobor diya nai.
Add Comment