Imphal, April 21 : Manipur Chief Electoral Officer Pradeep Jha para announce kurisey ki Inner Mnaipur Lok Sabha seat te re-voting kuribole nimitey tayari chuli asey.
Voting huwa laga first phase te chinta khan utha ke address kurikina Jha para koisey, “Amikhan para sob chinta utha mamla te vichar kuri asey. Election Commission of India (ECI) para 11 voting station te re-voting kuribole faisla kurisey.” Transparency(khula khuli kaam kora) aro fairness(nyay kora) ke banaikina rakhibole laga commitment para, electoral authority khan eku diktar nohoikina smooth aro biswas kuribole pariya laga voting process hobole dibole nimitey ki parey sob kuri asey.
Etu majotey, Outer Manipur Lok Sabha seat te Lok Sabha election laga second phase fale bi dhyan jai asey. Chuef Electoral Officer Pradeep Jha para koisey ki Outer Manipur Parliamentary constituency laga bachikina thaka jaga khan te election tu April 26 te hobole asey.
Etu second phase election laga kotha koikina Jha para koisey ki sob tayari hoijaisey. 13 jaga election nimitey tayar hoi thaka homoitey, infrastructure thik thak rakhibole kosis kuri asey aro voting di thaka homoitey eku diktar nohobole nimitey security measures laga bondobos kurikina asey.
Add Comment